Mılan – Almaty – Mılan baǵytyndaǵy tikeleı jolaýshylar áýe reısteri ashylady
QR Indýstrııa jáne ınfraqurylymdyq damý mınıstrligi baspasóz qyzmetiniń habarlaýynsha, mınıstrliktiń Azamattyq avıatsııa komıteti tóraǵasynyń orynbasary Saltanat Tompıeva ıtalııalyq «NEOS» áýe kompanııasynyń ókilderimen kezdesti.
Kezdesý barysynda taraptar Almaty jáne Mılan qalalary arasynda halyqaralyq áýe reısterin ashý týraly kelisim jasady.
Mılan – Almaty – Mılan baǵytyndaǵy turaqty áýe reısteri bıylǵy jyldyń 12 maýsymynan bastalady dep kútilýde. Jolaýshylar tasymaly ár aptanyń dúısenbi jáne beısenbi kúnderi Boeing 737 jáne 787 áýe kemeleri arqyly júzege asyrylmaq.
Sondaı-aq kezdesý barysynda taraptar tikeleı áýe reısteriniń ashylýy memleketter arasyndaǵy saýda-ekonomıkalyq, ınvestıtsııalyq, týrıstik jáne mádenı yntymaqtastyqtyń odan ármen damýyna tıgizetin mańyzyna nazar aýdardy.