ASTANA. KAZINFORM — Mysyr astanasy Kaırde ótip jatqan sporttyq gımnastıkadan álem kýbogy kezeńinde qazaqstandyq Mılad Karımı altynnan alqa taqty.
M.Karımıdiń erkin jattyǵýdyń fınalynda sheber óner kórsetip, tóreshiler tarapynan 14.133 upaı aldy.
Bolgarııa ókili Eddı Penev (13.966 upaı) kúmis júldeger atandy. Úzdik úshtikti ýkraınalyq Nazar Chepýrnyı (13.866) túıindedi.
Mılad budan buryn Horvatııanyń Osıek qalasynda kermedegi jattyǵýdan altyn alǵan edi. Al Dohada erkin jattyǵýdan aldyna jan salmaǵan bolatyn.
Eske sala keteıik, budan buryn Mılad Karımıdiń álem kýbogy kezeńiniń jeńimpazy atanǵanyn jazǵan bolatynbyz.
Sondaı-aq Mılad Karımı álem kýbogynda fınalǵa ótkenin de habarladyq.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).