Qazaqstandyqtardyń eki mıllıonnan astam jeke deregi tarap ketken

<p>ASTANA. KAZINFORM &ndash; &laquo;Memlekettik tehnıkalyq qyzmet&raquo; AQ <a href="https://zaimer.kz/" target="_blank" data-entity-type="MessageEntityUrl" rel="noopener">zaimer.kz </a>&nbsp;&laquo;Robokesh.kz&raquo; JShS mıkroqarjy uıymynyń klıentteri bolyp tabylatyn qazaqstandyqtardyń 2 mıllıonnan astam jeke dereginiń taralýyn anyqtady. Bul týraly Tsıfrlyq damý mınıstrliginiń baspasóz qyzmeti málim etti.&nbsp;</p>

Tsıfrlyq damý mınıstrliginiń málimetinshe, 36 mıllıonnan astam Robo.finance platformasynda jumys isteıtin mıkroqarjy uıymdary klıentteriniń jeke deregi taralyp ketken. Onyń ishinde - 23,6 mıllıony Reseı Federatsııasy azamattary bolsa,  5 mıllıon fılıppındik, 2 mıllıon vetnamdyq azamat bar. 

Sondaı-aq, «Memlekettik tehnıkalyq qyzmet» AQ taratylǵan derekterge taldaý júrgizdi, Tsıfrlyq damý mınıstrligi klıentterdiń jeke basyn anyqtaý nátıjeleri boıynsha Azamattarǵa EgovMobile mobıldi qosymshasy arqyly tıisti habarlamalar joldaıtyn bolady.

Tsıfrlyq damý mınıstrligi Qazaqstandyqtardyń jeke derekteri taraǵan derekqor operatorlaryna qatysty jospardan tys tekserýler júrgizýdi josparlap otyr.

Qazaqstan Respýblıkasynyń Derbes derekter jáne olardy qorǵaý týraly zańnamasynyń talaptaryn buzǵany úshin «Ákimshilik quqyq buzýshylyq týraly» Qazaqstan Respýblıkasy Kodeksiniń 79-babyna jáne 641-baby birinshi bóliginiń 1) tarmaqshasyna sáıkes ákimshilik jaýapkershilik, sondaı-aq Qazaqstan Respýblıkasy Qylmystyq kodeksiniń 147-babyna sáıkes qylmystyq jaýapkershilik kózdelgen.