Mıhaıl Kýkýshkın Ulybrıtanııadaǵy týrnırdiń shırek fınalyna shyqty

<p>ASTANA. KAZINFORM &ndash; Qazaqstandyq, álemniń 136-raketkasy Mıhaıl Kýkýshkın Sýrbıton (Ulybrıtanııa) chellendjer týrnıriniń shırek fınalyna shyqty.</p>

Qazaqstandyq tennısshi ekinshi aınalymda dúnıejúzilik reıtıngide 308-orynda turǵan kort ıesi Pol Djýbke qarsy keldi.

Birinshi partııada ulybrıtanııalyq sportshy aıqyn basymdylyq tanytty – 6:1. Degenmen budan keıin Kýkýshkın kambek jasaı bildi – 6:3, 6:2.

Eki saǵatqa jýyq ýaqytqa sozylǵan básekede Kýkýshkın 3 eıs, 4 breıkpen (10 breık-poınt) kózge tústi. Djýbb 3 eıs, 3 breıkke (7 breık-poınt) qol jetkizdi.

Mıhaıl Kýkýshkın jartylaı fınalǵa shyǵý úshin álemniń 201-raketkasy, taǵy bir ulybrıtanııalyq Bıllı Harrıspen talasady. 

Reıtıngide 171-orynda turǵan Beıbit Juqaev 1/8 fınalda álemniń 105-raketkasy, aýstralııalyq Djeıms Dakvortty uta alsa, ol da shırek fınalǵa joldama alady.

Eske sala keteıik, budan buryn Rolan Garrosta Elena Rybakınanyń jartylaı fınaldan tys qalǵanyn jazǵan bolatynbyz.

Italııadaǵy týrnırde Danılına men Qulambaeva fınal joldamasyn sarapqa salady.