Mıhaıl Kýkýshkın Slovakııadaǵy týrnırdiń 1/8 fınalyna ótti

<p>ASTANA. KAZINFORM &ndash; Qazaqstandyq, álemniń 110-raketkasy Mıhaıl Kýkýshkın Bratıslava 2 (Slovakııa) chellendjer týrnıriniń ekinshi aınalymyna joldama aldy.</p>

Jarystyń 8-raketkasy bolyp tirkelgen qazaqstandyq tennısshi alǵashqy kezdesýinde dúnıejúzilik reıtıngide 151-orynda turǵan brazılııalyq Jýan Fonsekanyń mysyn basty.

Birinshi partııada Kýkýshkın 6:4 esebimen basym tússe, ekinshisin Fonseka óz esebine jazdy – 7:5.
Sheshýshi, úshinshi sette qazaqstandyq tennısshi jeńisti julyp aldy – 6:4.

Eki saǵat 18 mınýtqa sozylǵan tartysty báseke barysynda Kýkýshkın 2 eıspen birge 10 breık-poınttyń teń jartysyn múlt jibergen joq. Fonseka 6 eıs jasap, 4 breık-poıntty paıdalandy.

Mıhaıl Kýkýshkın shırek fınalǵa shyǵý úshin reıtıngide 196-orynda turǵan frantsııalyq Konstan Lestennen ótýge tyrysyp kóredi. 

Qazaqstandyqtar Beıbit Juqaev pen Dmıtrıı Popko Sharlottsvıll (AQSh) chellendjer jarysynyń alǵashqy aınalymynda jeńilip qaldy. 

Reıtıngide 185-satydaǵy B.Juqaev álemniń 125-raketkasy, amerıkalyq Lerner Tıenge ese jiberdi – 6:2, 4:6, 2:6.

Álemniń 175-raketkasy Dmıtrıı Popko reıtıngide 295-oryndaǵy taǵy bir amerıkalyq Reıllı Opelkaǵa jol berdi – 7:5, 1:6, 6:7 (1:7).

Eske sala keteıik, budan buryn Aleksandr Býblıktik Parıj masters týrnırin jeńispen bastaǵanyn jazǵan bolatynbyz.