Mıhaıl Kýkýshkın Shanhaı masters jarysynyń ekinshi aınalymyna shyqty

<p>Qazaqstandyq Mıhaıl Kýkýshkın Shanhaı (Qytaı) masters týrnıriniń ekinshi aınalymyna shyqty, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.</p>

Jarysty irikteý saıystarynan bastaǵan, dúnıejúzilik reıtıngte 245-orynda Mıhaıl Kýkýshkın bastapqy kezdesýin álemniń 81-raketkasy, frantsııalyq Aleksandr Mıýllermen sátti ótkizdi.

Birinshi partııada taı-breıkte frantsııalyq sportshy 7:6 (8:6) esebimen basym tústi. Degenmen sodan keıin M.Kýkýshkın oıyn tizginin óz qolyna ala bildi – 6:3, 6:2.

Eki saǵat 41 mınýtqa sozylǵan tartysty báseke barysynda qazaqstandyq tennısshi breık jasamaǵanymen, 4 breık-poınttan shashaý shyǵaǵan joq. A.Mıýller 10 eıs, 1 breıkpen (8 breık-poınt) kózge tústi.

Mıhaıl Kýkýshkın ekinshi aınalymda álemniń 33-raketkasy, ulybrıtanııalyq Denıel Evanspen sheberlik baıqasady.

Júlde qory 8,8 mln AQSh dollaryna baǵalanǵan Shanhaı dodasy 15 qazanda máresine jetedi.

Eske sala keteıik, budan buryn Rybakınanyń 16 jasar reseılik tennısshini jeńip, Beıjiń týrnıriniń shırek fınalyna shyqqanyn jazǵan edik.