Mıhaıl Kýkýshkın Portýgalııadaǵy jarystyń shırek fınalyna shyqty

<p>ASTANA. KAZINFORM - Qazaqstandyq tennısshi, álemniń 134-raketkasy Mıhaıl Kýkýshkın Portý (Portýgalııa) chellendjer týrnıriniń shırek fınalyna joldama aldy.</p>

Qazaqstandyq tennısshi ekinshi aınalymda álemniń 224-raketkasy, belgııalyq Iorıs De Lorenmen kezdesti.

Birinshi partııada taı-breıkte Kýkýshkın sátti oınady - 7:6 (7:4). Ekinshi set ońaılaý boldy - 6:3.

Bir saǵat 45 mınýtqa sozylǵan báseke barysynda qazaqstandyq sportshy 4 eıspen birge 3 breık-poınttyń ekeýin múlt jibermedi. Belgııalyq tennısshi 5 eıs, 1 breıkpen (2 breık-poınt) shekteldi.

Mıhaıl Kýkýshkınniń shırek fınaldaǵy qarsylasy keıin anyqtalady.

Eske sala keteıik, budan buryn Elena Rybakınanyń kortqa jaqyn arada oralatyny týraly aıtqanyn jazǵan bolatynbyz.