Mıhaıl Kýkýshkın Madrıd týrnıriniń shırek fınalyna joldama aldy
Jarystyń 8-raketkasy bolyp tirkelgen tájirıbeli sportshy ekinshi aınalymda dúnıejúzilik reıtıngide 182-orynda turǵan germanııalyq Rýdolf Mollekerdiń mysyn basty.
Birinshi partııada R.Molleker taı-breıkte 7:6 (7:1) esebimen basym túskenimen, M.Kýkýshkın der kezinde jınalyp, kambek jasaı aldy – 6:1, 6:1.
Eki saǵat 14 mınýtqa sozylǵan tartysty báseke barysynda Kýkýshkın 6 eıspen birge 18 breık-poınttyń beseýin óz esebine jazdy. Molleker 9 eıspen shekteldi.
Mıhaıl Kýkýshkın jartylaı fınalǵa shyǵý úshin ıspanııalyqtar, álemniń 105-raketkasy Albert Ramos nemese reıtıngide 218-satydaǵy Orıol Roka Batalıanyń bireýimen talasady.
Qazaqstandyq sportshy ATP Live reıtıngisinde 132-orynǵa kóterilip tur.
Eske sala keteıik, budan buryn Anna Danılınanyń Qazaqstan – Japonııa matchyn bastaıtynyn jazǵan bolatynbyz. Sondaı-aq Qazaqstan – Japonııa teketiresinde Zarına Dııastyń nege oınamaıtyny belgili boldy.
18 jastaǵy qazaqstandyq tennısshi Túrkııadaǵy týrnırdiń 1-raketkasyn jeńdi.