Mıhaıl Kýkýshkın qatarynan 11 matchynda jeńiske jetip, Ispanııada fınalǵa shyqty

<p>ASTANA. KAZINFORM &mdash; Qazaqstandyq, álemniń 165-raketkasy, 36 jastaǵy Mıhaıl Kýkýshkın Tenerıfe (Ispanııa) chellendjer týrnıriniń fınalyna joldama aldy.</p>

Jarysty irikteý saıystarynan bastaǵan qazaqstandyq sportshy jartylaı fınalda dúnıejúzilik reıtıngide 399-oryndaǵy ıspanııalyq, 18 jastaǵy Martın Landalýsemen synǵa tústi.

Birinshi partııada kort ıesi shıraqtyq tanytty – 6:2.

Ekinshisinde M.Kýkýshkın ese qaıyrdy – 6:2.

Úshinshi, sheshýshi sette esep 5:4 bolyp, qazaqstandyq tennısshi matchqa dop bergende, múmkindigin paıdalana almady – 5:5. Degenmen taı-breıkte sheberliginiń basym ekendigin dáleldedi – 7:6 (7:4).

Úsh saǵatqa jýyq ýaqytqa sozylǵan tartysty báseke barysynda M.Kýkýshkın 1 eıspen birge 11 breık-poınttyń tórteýin óz esebine jazdy. M.Landalýse 5 eıs, 4 breıkpen (9 breık-poınt) kózge tústi.

Mıhaıl Kýkýshkın fınalda álemniń 156-raketkasy, ıtalııalyq Matteo Gıgantemen chempıondyq ataq úshin talasady. Ol jartylaı fınalda reıtıngide 181-satydaǵy qytaılyq Bý ıÝnchaoketeni qapy qaldyrdy – 1:6, 7:6 (7:0), 7:6 (9:7).

Buǵan deıin Manama (Bahreın) chellendjer dodasynda chempıon atanǵan M.Kýkýshkın osymen qatarynan 11 matchyn jeńispen aıaqtap otyr.

Eske sala keteıik, budan buryn Jibek Qulambaevanyń Úndistandaǵy jarystyń jeńimpazy atanǵanyn jazǵan edik.

Aleksandr Býblık Dýbaıdaǵy týrnırdiń fınalynda utylyp qaldy.

Gózal Aınıtdınova Qazaqstan chempıonatynyń absolıýtti jeńimpazy atandy.