Mıhaıl Kýkýshkın Ispanııadaǵy týrnırdiń jartylaı fınalyna ótti

<p>ASTANA. KAZINFORM - Tanymal qazaqstandyq tennısshi, álemniń 165-raketkasy Mıhaıl Kýkýshkın Tenerıfe (Ispanııa) chellendjer týrnıriniń jartylaı fınalyna shyqty.&nbsp;</p>

Kýkýshkın shırek fınalda dúnıejúzilik reıtıngide 401-orynda turǵan Ispanııa ókili Danıel Merıda Agılarmen sheberlik baıqasty. 

Bir saǵattan astam ýaqytqa sozylǵan matchta Mıhaıl 6:3, 6:4 esebimen jeńiske jetti. Ol 2 eıspen birge 7 breık-poınttyń tórteýin paıdalandy. Qarsylasy 3 eıs, 1 breıkpen shekteldi.

Qazaqstandyq tennısshi endi fınalǵa shyǵý úshin álemniń 227-raketkasy, aýstrııalyq Lýkas Noımaıer nemese reıtıngide 399-satydaǵy ıspanııalyq Martın Landalýseniń bireýimen sheberlik baıqasady. 

Eske sala keteıik, budan buryn Jibek Qulambaevanyń Úndistandaǵy jarystyń fınalyna shyqqanyn jazǵan bolatynbyz.