Mıhaıl Kýkýshkın Ispanııadaǵy týrnırdiń ekinshi aınalymyna shyqty

<p>ORAL. KAZINFORM &ndash; Qazaqstandyq, álemniń 262-raketkasy Mıhaıl Kýkýshkın Tenerıfe (Ispanııa) chellendjer týrnıriniń ekinshi aınalymyna shyqty.</p>

Qazaqstandyq tennısshi alǵashqy aınalymda álemniń 225-raketkasy, amerıkalyq Martın Damdy qapy qaldyrdy.

Mıhaıl Kýkýshkın 6:4, 7:6 (7:2) esebimen basym tústi.

Bir saǵat 22 mınýtqa sozylǵan báseke barysynda ol 3 breık-poınttyń bireýin paıdalandy. M.Damm eıs sanyn 15-ke jetkizdi.

Mıhaıl Kýkýshkın shırek fınalǵa shyǵý úshin álemniń 235-raketkasy, frantsııalyq Joffrı Blankanomen sheberlik talastyrady.

Eske sala keteıik, budan buryn Elena Rybakınanyń «Úlken dýlyǵa» týrnırin jeńispen bastaǵanyn jazǵan bolatynbyz.

Sondaı-aq Denıs Evseev Ispanııadaǵy týrnırde kezekti jeńisine qol jetkizdi.

Dmıtrıı Popko Argentınadaǵy ekinshi jarysty sátti bastady.