Mıhaıl Kýkýshkın Ispanııada negizgi týrnırge joldama aldy

<p>ASTANA. KAZINFORM — Qazaqstandyq, álemniń 165-raketkasy Mıhaıl Kýkýshkın Tenerıfe (Ispanııa) chellendjer týrnırine joldama aldy.</p>

Іrikteý saıystarynyń 1-raketkasy bolyp tirkelgen qazaqstandyq tennısshi aldymen grýzııalyq Nıkoloz Basılashvılıdi 6:2, 6:2 esebimen joldan taıdyrdy.

M.Kýkýshkın irikteý saıystarynyń fınalynda reıtıngte 320-oryndaǵy frantsııalyq Loren Lokolımen kortqa shyqty.

Birinshi partııada qazaqstandyq tennısshi 4:1 esebimen alǵa ketken sátte L.Lokolı matchty jalǵastyrýdan bas tartty.

Osylaısha, M.Kýkýshkın negizgi týrnırge ótti.

Taǵy bir qazaqstandyq Tımofeı Skatov irikteý saıystarynyń jartylaı fınalynda ıtalııalyq Salvatore Karýzoǵa 4:6, 1:6 esebimen jol berip, jarystan shyǵyp qaldy. 

Eske sala keteıik, budan buryn Ámir Omarhanovtyń jasóspirimder arasynda álemdik reıtıngide 12-orynǵa kóterilgenin jazǵan bolatynbyz.