KOBLENTs. KAZINFORM — Qazaqstandyq, álemniń 255-raketkasy Mıhaıl Kýkýshkın Koblents (Germanııa) chellendjer týrnırin jeńispen bastady.
Qazaqstandyq tennısshi alǵashqy kezdesýin álemdik reıtıngide 260-orynda turǵan frantsııalyq Maksım Janvemen ótkizdi.
Birinshi partııada M.Kýkýshkın 6:4 esebimen basym tústi. Ekinshisinde tipti bet qaratpady dese bolady — 6:1.
Bir saǵattan astam ýaqytqa sozylǵan báseke barysynda Kýkýshkın 1 eıspen birge 8 breık-poınttyń teń jartysyn múlt jibergen joq. M.Janve 4 eıs, 1 breıkpen kózge tústi.
Mıhaıl Kýkýshkın shırek fınalǵa shyǵý úshin reıtıngide 222-satydaǵy amerıkalyq Martın Dammen talasady.
Ol álemniń 198-raketkasy, ıtalııalyq Mattıa Belýchchıdi tize búktirdi — 6:3, 6:3.
Eske sala keteıik, budan buryn Qazaqstan atynan óner kórsetetin Aleksandr Shevchenkonyń TOP-50-den shyǵyp qalǵanyn jazǵan edik.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).