Mıhaıl Kýkýshkın Frantsııadaǵy jarystyń irikteý saıysyn sátti ótkizdi

<p>ASTANA. KAZINFORM — Qazaqstandyq, álemniń 129-raketkasy Mıhaıl Kýkýshkın Eks-An-Provans (Frantsııa) chellendjer jarysynyń irikteý saıystaryn sátti ótkizdi.</p>

Qazaqstandyq tennısshi aldymen irikteý saıystarynyń jartylaı fınalynda kort ıesi, dúnıejúzilik reıtıngide 274-orynda turǵan Matıas Býrkti qapy qaldyrdy — 7:5, 6:2.

Іrikteý saıysynyń fınalynda Kýkýshkın álemniń 146-raketkasy, Ispanııa ókili Pablo Rýızben betpe-bet keldi.

Birinshi sette 3:0 esebimen Mıhaıl alǵa shyqqan mezette ıspanııalyq sportshy matchty jalǵastyrýdan bas tartty.

Osylaısha Mıhaıl Kýkýshkın negizgi týrnırge joldama aldy. 

Qazaqstandyq sportshy alǵashqy aınalymda álemniń 96-raketkasy, argentınalyq Fransısko Komesanamen synǵa túsedi.

Qazaqstannyń ekinshi, álemniń 56-ynshy, osy jarystyń 7-raketkasy Aleksandr Shevchenko bastapqy kezdesýinde reıtıngide 101-satydaǵy belgııalyq Davıd Goffenmen sheberlik talastyrady. 

Eks-An-Provans dodasy 5 mamyrda máresine jetip, chempıon anyqtalady. 

Eske sala keteıik, budan buryn Beıbit Juqaevtyń Qytaıdaǵy jarystyń ekinshi aınalymyna joldama alǵanyn jazǵan bolatynbyz.

Tennısten álem chempıonatynda Qazaqstan áıelder quramasy pleı-off kezeńinde Ońtústik Koreıamen oınaıdy.

Aleksandr Nedovesov Madrıd masters týrnıriniń 1/8 fınalyna shyqty.