ORAL. KAZINFORM - Qazaqstandyq, álemniń 113-raketkasy Mıhaıl Kýkýshkın Brısben (Aýstralııa) ATP 250 týrnıriniń irikteý saıysyn sátti bastady.
Qazaqstandyq tennısshi dúnıejúzilik reıtıngide 204-orynda turǵan ıtalııalyq Andrea Kollarınımen sheberlik baıqasty.
Birinshi partııany Kýkýshkın eki breıkpen támamdady - 6:2.
Ekinshi sette de Mıhaıl óz múmkindigin jibergen joq - 6:4.
Saǵat jarymnan astam ýaqytqa sozylǵan matchta Kýkýshkın 3 eıspen birge 10 breık-poınttyń tórteýin paıdalandy. Kollarını 2 eıs, 1 breıkpen (7 breık-poınt) shekteldi.
Qazaqstandyq sportshy irikteý saıystarynyń fınalynda reıtıngide 168-satydaǵy Aýstralııa ókili Trıstan Skýlkeıtpen kezdesedi. Ony jeńse, negizgi jarysqa joldama alady.
T.Skýlkeıt otandasy, álemniń 82-raketkasy Djeıms Dakvortty joldan taıdyrdy - 6:4, 6:4.
Eske sala keteıik, budan buryn tennısten United Cup týrnırinde Qazaqstan quramasynyń Ispanııany jeńgenin jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).