Mıhaıl Kýkýshkın ATP 250 týrnırinde jeńiske jetti

<p>ASTANA. KAZINFORM &ndash; Qytaıdyń Hanchjoý qalasynda eki qazaqstandyq ózara baq synasty. Bul týraly Qazaqstan tennıs federatsııasy habar taratty.</p>

Tájirıbeli Mıhaıl Kýkýshkın (112 ATP) Qazaqstannyń ekinshi raketkasy Aleksandr Shevchenkony (58 ATP) 6:4, 7:6 (7:5) esebimen utty.

Karen Hachanov pen Bý ıAncheokote kezdesýiniń jeńimpazy Mıhaıldyń kelesi qarsylasy bolmaq.

Buǵan deıin kásipqoı tennısshiler qaýymdastyǵy (ATP) jeke jáne juptyq sportshylar reıtıngisiniń jańartylǵan nusqasyn shyǵarǵan bolatyn. Mıhaıl Kýkýshkın segiz orynǵa shyǵyp, 112-orynǵa taban tiredi. Aleksandr Shevchenko bir pozıtsııany joǵaltyp, 58-shi orynǵa turaqtady.

Osyǵan deıin 6-13 qazan aralyǵynda Astanada ústel tennısinen XXVII Azııa chempıonaty ótetinin habarladyq.

Chempıonatqa Azııanyń barlyq úzdik oıynshylary qatysady. Aldaǵy Azııa chempıonatynda 26 elden barlyǵy 210 sportshy óner kórsetedi dep josparlanǵan. Atap aıtar bolsaq, Bahreın, Gonkong, Úndistan, Iordanııa, Iran, Iemen, Katar, Qytaı, Qytaılyq Taıpeı, KHDR, Qyrǵyzstan, Malaızııa, Maldıv, Mońǵolııa, Nepal, Oman, Pákistan, Saýd Arabııasy, Sıngapýr, Taıland, Ózbekstan, Fılıppın, Shrı-Lanka, Ońtústik Koreıa, Japonııa jáne Qazaqstan sportshylary ózara myqtyny anyqtaıdy.