Mıhaıl Kýkýshkın Almatydaǵy ATP 250 týrnıriniń irikteý saıysyn sátti bastady

<p>ALMATY. KAZINFORM &ndash; Qazaqstandyq tennısshi, álemniń 103-raketkasy Mıhaıl Kýkýshkın Almatyda alǵash ret ótip jatqan ATP 250 týrnıriniń irikteý saıysyn jeńispen bastady.&nbsp;</p>

Іrikteý dodasynyń 2-raketkasy bolyp tirkelgen M.Kýkýshkın dúnıejúzilik reıtıngide 237-orynda turǵan ózbekstandyq Hýmaıýn Sultanovtyń mysyn basty.

Qazaqstandyq tennısshi 1 saǵat 24 mınýtqa sozylǵan matchta 6:4, 6:4 esebimen jeńiske jetti. Kýkýshkın 3 eıspen birge 5 breık-poınttyń úsheýin óz esebine jazdy. H.Sultanov 3 eıs, 1 breıkpen (2 breık-poınt) shekteldi.

M.Kýkýshkın irikteý saıystarynyń fınalynda álemniń 195-raketkasy, reseılik Alıbek Kachmazovpen talasady. Ony jeńse, negizgi týrnırge joldama alady.

Qazaqstannyń jas juldyzy, 16 jastaǵy Ámir Omarhanov álemniń 170-raketkasy, ulybrıtanııalyq Denıel Evansqa jol berdi – 4:6, 2:6. 

Taǵy bir qazaqstandyq, álemniń 193-raketkasy Denıs Evseev reıtıngide 208-satydaǵy lıvandyq Benjamın Hassannan aılasyn asyra almady – 2:6, 4:6. 

Dúısenbi kúni negizgi jarys oıyndary da bastalady.

Eske sala keteıik, budan buryn Almatyda ATP 250 týrnıriniń irikteý saıystary bastalatynyn jazǵan bolatynbyz.

Anna Danılına Qytaıdaǵy WTA 1000 jarysynyń chempıony atandy.