ALMATY. KAZINFORM – Qazaqstandyq, álemniń 111-raketkasy Mıhaıl Kýkýshkın Almaty ATP 250 týrnıriniń irikteý saıysyn sátti aıaqtady.
Qazaqstandyq tennısshi irikteý saıystarynyń fınalynda dúnıejúzilik reıtıngide 198-orynda turǵan reseılik Alıbek Kachmazovtyń meselin qaıyrdy.
Birinshi partııada Kýkýshkın 5:0 esebimen alǵa ketip, qarsylasyna bir geım ǵana berdi – 6:1. Ekinshi sette esep 2:2 bolǵannan keıin Mıhaıl qarqynyn údetti – 6:2.
Bir saǵattan astam ýaqytqa sozylǵan báseke barysynda qazaqstandyq sportshy 4 eıspen birge 9 breık-poınttyń tórteýin óz esebine jazdy. Kachmazov 4 eıspen shekteldi.
Osylaısha, Mıhaıl Kýkýshkın negizgi jarysqa joldama aldy.
Almatyda alǵash ret ótip jatqan ATP 250 týrnırinde M.Kýkýshkınnen basqa Qazaqstannan Aleksandr Shevchenko, Beıbit Juqaev jáne Tımofeı Skatov óner kórsetedi.
Eske sala keteıik, budan buryn Anna Danılınanyń álemdik reıtıngide 22-orynǵa kóterilgenin jazǵan bolatynbyz.
Pýtıntseva Qytaıdaǵy týrnırde qarsylasyn oısyrata jeńip, ekinshi aınalymǵa shyqty.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).