Mıhaıl Kýkýshkın AQSh-taǵy jarystyń jartylaı fınalyna joldama aldy

ASTANA. QazAqparat – Qazaqstandyq, álemniń 262-raketkasy Mıhaıl Kýkýshkın Blýmfıld Hılls (AQSh) chellendjer týrnıriniń jartylaı fınalyna joldama aldy, dep habarlaıdy QazAqparat tilshisi.

Qazaqstandyq tennısshi shırek fınalda álemniń 180-inshi, jarystyń 3-raketkasy, amerıkalyq Denıs Kýdlamen sheberlik baıqasty.

M.Kýkýshkın 6:4, 6:1 esebimen ońaı jeńiske jetti.

Bir saǵat 18 mınýtqa sozylǵan báseke barysynda Mıhaıl 5 eıspen birge 9 breık-poınttyń tórteýin múlt jibergen joq. Qarsylasy 2 eıs, 1 breıkpen shekteldi.

Mıhaıl Kýkýshkın fınalǵa shyǵý úshin álemniń 240-raketkasy, taǵy bir amerıkalyq Tennıs Sandgrenmen talasady.

Álemniń 138-raketkasy Tımofeı Skatov búgin Karlsrýe (Germanııa) chellendjer dodasynyń jartylaı fınalynda reıtıngte 145-oryndaǵy chılılik Alehandro Tabılomen kezdesedi.

Eske sala keteıik, budan buryn Aleksandr Býblıktik alǵash ret Ýımbldonnyń tórtinshi aınalymyna shyqqanyn jazǵan bolatynbyz.

Sondaı-aq qazaqstandyq jas tennısshiler Tegerandaǵy dodanyń fınalyna ótti.