Mıhaıl Kýkýshkın AQSh-taǵy jarystyń fınalynda ese jiberdi

ASTANA. QazAqparat – Qazaqstandyq, álemniń 262-raketkasy Mıhaıl Kýkýshkın Blýmfıld Hılls (AQSh) chellendjer týrnıriniń fınalynda tartysty match ótkizdi, dep habarlaıdy QazAqparat tilshisi.

Qazaqstandyq tennısshi álemniń 219-raketkasy, amerıkalyq Stıv Djonsonmen bas júlde úshin sheberlik baıqasty.

Birinshi partııada amerıkalyq sportshy 6:4 esebimen ústemdik kórsetse, ekinshisinde Kýkýshkın ese qaıyrdy – 7:6 (9:7). Taǵy bir taı-breıkte S.Djonson jeńisti julyp aldy – 7:6 (7:4).

Úsh saǵattan astam ýaqytqa sozylǵan báseke barysynda M.Kýkýshkın 4 eıspen birge 10 breık-poınttyń teń jartysyn paıdalandy. Qarsylasy 21 eıs, 6 breıkpen (10 breık-poınt) kózge tústi.

AQSh-taǵy jarystyń fınalyna deıin jetýi arqasynda Mıhaıl Kýkýshkın qazirgi kezde ATP Live reıtıngisinde 262-den birden 218-satyǵa kóterilip tur.

M.Kýkýshkın men Beıbit Juqaev osy aptada Chıkago (AQSh) chellendjer dodasynda óner kórsetedi. Sondaı-aq Eýropadaǵy jarystarda baq synap jatqan qazaqstandyq tennısshiler de bar.

Eske sala keteıik, budan buryn Elena Rybakınanyń kelesi qarsylasy óte kúshti ekenin aıtqanyn jazǵan bolatynbyz.

Ýımbldonda Aleksandr Býblık 39 eıs jasaǵanymen, shırek fınalǵa shyǵa almady.

Ýımbldonda Anna Danılına 1/8 fınalǵa ótti.