Mıhaıl Gýsman Qazaqstan Prezıdenti týraly: Naǵyz dıplomat

NUR-SULTAN. QazAqparat – TASS agenttigi bas dırektorynyń birinshi orynbasary Mıhaıl Gýsman «Eho Moskvy» radıosynyń baǵdarlamasy barysynda Qazaqstan Prezıdenti Qasym-Jomart Toqaevqa baǵa berdi, dep habarlaıdy QazAqparat tilshisi.

«Qasym-Jomart Toqaev túrli kezeńde Qazaqstanda qandaı eń iri aıqyndaýshy pozıtsııa men laýazym bolsa, solardyń barlyǵynda qyzmet atqardy. Ol Syrtqy ister mınıstri, Senat tóraǵasy boldy. Prezıdenttik rezıdentsııaǵa kelgenge deıingi ómiriniń basym bóligi dıplomatııalyq qyzmetpen baılanysty. Ol kásibi boıynsha da, áńgimelesý máneri boıynsha da naǵyz dıplomat», - dedi Mıhaıl Gýsman.

«Qasym-Jomart Kemeluly barynsha baısaldy, dıplomatııalyq mánerde sóıleıtin, árbir sózi áýelgi aıtqan sózimen astasyp jatatyn adam. Onyń áńgimelesý formasy óte tartymdy», - dep qosty TASS agenttigi bas dırektorynyń birinshi orynbasary.

Sonymen qatar ol osydan bir jyl buryn Qazaqstan Prezıdenti Qasym-Jomart Toqaevtan suhbat alǵan kezindegi áserimen bólisti.

Esterińizge sala ketsek, ótken jyldyń mamyrynda Qazaqstan Prezıdenti Qasym-Jomart Toqaev TASS agenttigi bas dırektorynyń birinshi orynbasary Mıhaıl Gýsmanǵa eksklıýzıvti suhbat bergen bolatyn.