Mıhaıl Gorbachev 92-ge qaraǵan shaǵynda ómirden ozdy

MÁSKEÝ. TASS-QazAqparat – KSRO-nyń tuńǵysh prezıdenti Mıhaıl Gorbachev 92 jasyna qaraǵan shaǵynda dúnıeden ótti. Bul týraly Ortalyq klınıkalyq aýrýhanadan málim etti, dep habarlaıdy QazAqparat reseılik TASS agenttigine silteme jasap.

«Mıhaıl Gorbachev uzaqqa sozylǵan aýyr dertten búgin keshke qaıtys boldy», - delingen Ortalyq klınıkalyq aýrýhana habarlamasynda.

Mıhaıl Gorbachev 1931 jyly 2 naýryzda dúnıege kelgen. M.V. Lomonosov atyndaǵy MMÝ zań fakýltetin (1955), 1967 jyly Stavropol aýylsharýashylyq ınstıtýtynyń (qazirgi Stavropol memlekettik agrarlyq ýnıversıteti) syrttaı bólimin bitirdi. 1952 jyly KOKP quramyna kirdi, 1971 jyldan bastap OK múshesi boldy. KOKP OK sońǵy Bas hatshysy qyzmetin atqardy. Konstantın Chernenko qaıtys bolǵannan keıin 1985 jyly osy laýazymǵa saılandy. Jarııalylyq pen qaıta qurýdyń basty ıdeology boldy. Keńes Odaǵynyń birinshi jáne sońǵy prezıdenti boldy.1990 jyly naýryzda saılandy, 1991 jyly 25 jeltoqsanda qyzmetinen ketti. 1990 jylǵy Nobel syılyǵynyń laýreaty atandy. KSRO prezıdenti qyzmetinen ketkennen keıin ol qoǵamdyq jáne ádebı qyzmetpen aınalysty.

Foto: www.eg.ru