Mıgratsııa týraly máseleni telefon arqyly sheshýge bolady - Aqtóbe
01:05, 19 Naýryz 2020
AQTÓBE. QazAqparat – Aqtóbede quqyq qorǵaý organdary azamattardy qabyldaýdy toqtatyp, aryz-shaǵym elektrondy túrde qabyldap jatyr, dep habarlaıdy QazAqparat tilshisi.
«Tótenshe jaǵdaıǵa jáne el ishindegi birqatar shekteýge baılanysty oblystyq polıtsııa departamentiniń kóshi - qon qyzmeti basqarmasy Qazaqstan Respýblıkasynan tys jerlerge turaqty turýǵa arnalǵan qujattardy rásimdeý ýaqytsha toqtatylǵanyn habarlaıdy. Kez kelgen suraq boıynsha 55-80-68 telefonyna habarlasýǵa bolady. Sonymen qatar elimizde tótenshe jaǵdaı engizilýine baılanysty oblystyq polıtsııa departamenti bólimsheleriniń ákimshilik ǵımarattarynda ornalasqan «Azamattarǵa arnalǵan qabyldaý bólmesi» óz jumysyn ýaqytsha toqtatty. Azamattar suraqtaryn jazbasha túrde nemese Aqtóbe oblysy polıtsııa departamentiniń dvd.pressa@mvd.gov.kz elektrondyq mekenjaıyna jibere alady», - dedi oblystyq PD baspasóz qyzmetiniń jetekshisi Erbolat Sarqulov.