Microsoft jahandyq úziliske EO-ny aıyptady

<p>ASTANA. KAZINFORM &mdash; Microsoft ótken jumada bolǵan tarıhtaǵy eń iri júıe aqaýyna Eýropalyq odaq kináli dep sanaıdy, dep jazady <a href="https://ru.euronews.com/" target="_blank" rel="noopener">Euronews</a>.</p>

IT alpaýytynyń ókilderi 2009 jyly EO men Microsoft arasynda jasalǵan monopolııaǵa qarsy kelisimge toqtaldy. Qujat Windows jasaýshylaryn úshinshi tarap baǵdarlamalaryn ázirleýshilerge operatsııalyq júıege Microsoft korporatsııasynyń sáıkes baǵdarlamalarynyń ózinde qol jetimdilik deńgeıin qamtamasyz etýge mindettedi.

Kompanııanyń baǵalaýynsha, Crowdstrike jumysynyń toqtaýy búkil álem boıynsha 8,5 mıllıon kompıýterge áser etti.

Úshinshi tarap baǵdarlamasyn jańartýdaǵy sátsizdik búkil planetada " kógildir ekran ólimine" ákeldi — búkil álem boıynsha 8,5 mıllıon Windows júıesi isten shyqty.

Eýropalyq Komıssııa Apple-ge de qysym kórsetýdi jalǵastyryp jatyr. Sonymen, jaqynda qabyldanǵan Tsıfrlyq qyzmetter týraly Zańǵa sáıkes kompanııadan úshinshi tarap braýzerleri men qoldanbaly dúkenderdi ornatýǵa ruqsat berý talap etiledi.

Esterińizge sala keteıik, 2024 jyldyń 19 shildesinde Microsoft korporatsııasy búkil álemdegi paıdalanýshylarǵa, sonyń ishinde bankter men avıakompanııalarǵa áser etken jahandyq sátsizdikke ushyrady. Paıdalanýshylardyń ınternettegi úzilister týraly habarlamalaryn baqylaıtyn downdectector veb-saıty Visa, ADT security jáne Amazon qyzmetterinde, sondaı-aq American Airlines jáne Delta sııaqty avıakompanııalarda jappaı tehnıkalyq aqaý tirkeldi.

Aqaý sebebi — Microsoft korporatsııasynyń búkil álem boıynsha kompıýterlik júıelerin buzǵan crowdstrike óndirisiniń antıvırýstyq baǵdarlamasyn jańartýy boldy.