Microsoft Qazaqstanda ornalasatyn mýltıaımaqtyq hab ashady - Baǵdat Mýsın
«Qurmetti dostar! Men tamasha jańalyqty alǵashqylardyń biri bolyp bóliskim keledi – Microsoft Qazaqstanda ornalasatyn mýltıaımaqtyq hab ashady!
Ótken jyly Memleket basshysy BUU Bas Assambleıasynyń 77-sessııasy aıasynda Nıý-Iorkke jasaǵan sapary aıasynda Microsoft kompanııasynyń Ortalyq jáne Shyǵys Eýropa boıynsha bas dırektory Mıshel Sımmonspen kezdesý ótkizip, onda qazaqstandyq ókildikti aımaqtyq habqa deıin keńeıtý máselesi kóterilgen edi. Sol kezde Qasym-Jomart Kemeluly aldymyzǵa osy bastamany jandandyryp, ony júzege asyrýǵa qajetti jaǵdaılardy jasaý mindetin qoıdy.
Osy ýaqyt ishinde Qazaqstan Respýblıkasy Syrtqy Іster mınıstrliginiń jáne elimizdiń San-Frantsıskodaǵy Bas konsýldyǵynyń, sondaı-aq Microsoft korporatsııasynyń qazaqstandyq ókildiginiń qoldaýymen bul máseleni sheshý boıynsha belsendi jumystar júrgizildi. Meniń Kremnıı alqabyna saparym barysynda biz de bul máseleni aınalyp ótken joqpyz. Búgin bizge qabyldanǵan sheshim jóninde resmı túrde habarlandy», - dep jazady mınıstr.
Vedomstvo basshysy málim etkendeı, Microsoft korporatsııasy Qazaqstanda ornalasatyn mýltıaımaqtyq hab ashýǵa daıyn. Ol Ortalyq Azııa elderinen bólek, Ázerbaıjan, Armenııa, Grýzııa, Monǵolııa jáne Pákistan elderin de qamtıdy. Sondaı-aq korporatsııanyń ChatGPT sııaqty kóptegen servısterinde qazaq tiliniń qoldaný aıasyn keńeıtý máselesi talqylanǵan.
«Bul bizge qaı jaǵynan tıimdi? Microsoft qyzmetin lokalızatsııalaý Qazaqstanǵa aımaqtyq aýqymda tehnologııalar men ozyq sheshimderdi tartý ortalyǵyna aınalýǵa múmkindik beredi. Osylaısha, hab Microsoft korporatsııasynyń tehnologııalyq damý jáne ınnovatsııalyq ortalyǵy bola otyryp, shıkizattyq emes tehnologııa salalaryndaǵy ónimderdi óndirý men eksporttaýdy yntalandyrý arqyly adamı kapıtaldy damytý jáne ulttyq ekonomıkany nyǵaıtý draıverine aınala alady», - deıdi Baǵdat Mýsın.