MGM Qazaqstannyń gaz salasyn damytý tujyrymdamasyn 2014 jyldyń sońyna deıin usynýdy josparlap otyr

ASTANA. QazAqparat - Qazaqstannyń gaz salasyn damytý tujyrymdamasy 2014 jyldyń sońyna deıin ázirlenedi, dep habarlady búgin QR munaı jáne gaz mınıstri Uzaqbaı Qarabalın QR Parlamenti Májilisinde ótken Úkimet saǵatynda.

Bul týraly www.primeminister.kz saıty habarlady.

«Halyqaralyq sarapshylardyń boljamdarynda uzaq merzimdi perspektıvada gaz salasyn damytýdyń joǵary perspektıvalylyǵy týraly, onyń ishinde - 2030-2040 jyldary álemdik energııa balansynda munaımen salystyrmaly rólge jetý týraly aıtylǵan. Osyǵan baılanysty 2014 jyldyń sońyna deıin Qazaqstannyń gaz salasyn damytý tujyrymdamasy jasalady», - dedi U. Qarabalın. Sonymen birge, ol mınıstrliktiń taýarlyq jáne suıytylǵan gazdy kóterme ótkizýdiń shekti baǵalaryn anyqtaý erejelerine ulttyq operatordyń marjınaldyq jasaýshyny eskermeıtin formýlaǵa qatysty ózgertýler men tolyqtyrýlar engizgenin atap ótti. «Jer qoınaýyn paıdalanýshylardyń memlekettiń basymdyqty quqyǵy aıasynda taýarlyq gazdy satyp alý baǵalary 2014 jyldyń sońyna deıin saqtalady», - dep tolyqtyrdy U.Qarabalın.

Bul sharalar baǵa qalyptastyrý jáne taýarlyq gazǵa baǵa turaqtylyǵyn qamtamasyz etý máselelerin retteýge kómektesedi dep kútilýde. Budan ózge, mınıstrlik múddeli memlekettik organdarmen ár óńir úshin gazǵa biryńǵaı kóterme saýda baǵasyn belgileý boıynsha Úkimet qaýlysyn kelisýdi júrgizýde.