Mezgilsiz qaıtys bolǵan senator Gúlmıra Kárimovanyń ornyna jańa kandıdattardy tirkeý bastaldy

PETROPAVL. QazAqparat – Soltústik Qazaqstan oblysynan Senat depýtaty bolyp saılanyp, kenetten kóz jumǵan Gúlmıra Kárimovanyń ornyna jańa kandıdattardy usyný bastaldy, dep habarlaıdy QazAqparat tilshisi.

Óńir ákimdiginiń saıtynda jarııalanǵan habarlamaǵa saı, qazirgi tańda ózin-ózi usý tártibimen bir kandıdat qujat tapsyrǵan.

«Soltústik Qazaqstan oblystyq saılaý komıssııasyna QR Parlamenti Senatynyń depýtattyǵyna ózin-ózi usyný tártibimen usynylǵan 1 kandıdattan qujattar kelip tústi. Úmkitker - Melehov Sergeı Vladımırovıchtiń QR Konstıtýtsııasynyń jáne «QR saılaý týraly» Konstıtýtsııalyq zańynyń talaptaryna sáıkestigi anyqtalýda», - delingen habarlamada.

Esterińizge sala ketsek, 27 qańtarda jańadan saılanǵan senator Gúlmıra Kárimova 46 jasqa qaraǵan shaǵynda kenetten qaıtys boldy. Oǵan aldyn ala «anafılaksııalyq shok» degen dıagnoz qoıyldy. Degenmen keıin Astana qalalyq Qoǵamdyq densaýlyq saqtaý basqarmasynyń baspasóz qyzmeti Gúlmıra Kárimovanyń ólimine tikeleı sebep júrek talmasy ekenin málim etti.

Keıin Ortalyq saılaý komıssııasy tóraǵasynyń orynbasary Konstantın Petrov marqumnyń ornyna jańa senator saılaý qashan ótetinin málim etti.