ASTANA.KAZINFORM — Elordalyq «Barys» hokkeıshisi Meıson Morellıdiń Reseıdiń «Admıral» (Vladıvostok) klýbyna soqqany goly Qurlyqtyq hokkeı lıgasyndaǵy aptanyń úzdik ondyǵynda kósh bastady.
Shabýylshy komanda quramyna bıyl qosyldy. Ol 2026 jyldyń 31 mamyryna deıin elordalyq klýbtyń namysyn qorǵaıdy.
Bul Morellıdiń Soltústik Amerıkadan tys alǵashqy kásibı tájirıbesi bolmaq. 2023 jyly ol «Hershı Bears» quramynda Kolder kýbogyn jeńip aldy. Sońǵy eki maýsymdy Meıson «Vegas Golden Naıts» júıesinde ótkizdi. Ótken maýsymda ol UHL-de bir matchqa qatysyp, sondaı-aq AHL-degi «Henderson Sılver Naıts» sapynda 48 oıynda 19 (13 6) upaı jınady.
Aıta ketsek, hokkeıden el birinshiliginde «Torpedo» qatarynan segizinshi márte jeńiske jetti.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.