Meıirjan Júsipov «Qazatomónerkásip» kompanııasynyń basshysy boldy

<p>&laquo;Qazatomónerkásip&raquo; ulttyq atom kompanııasy AQ-nyń basqarma tóraǵasy bolyp Meıirjan Júsipov taǵaıyndaldy.&nbsp;<a href="https://kaz.inform.kz/" target="_blank" rel="noopener">QazAqparat</a>&nbsp;bul týraly kompanııa&nbsp;<a href="https://www.kazatomprom.kz/kz/media/view/kazatomprom_obyavlyaet_ob_izmeneniyah_v_sostave_pravleniya_i_uvedomlyaet_o_sozive_vosa" target="_blank" rel="noopener">málimetine</a>&nbsp;silteme jasap habarlaıdy.</p>

28 qyrkúıekte Dırektorlar keńesi kompanııanyń basqarýshylyq quramyna ózgeristerdi maquldaǵan.

Atap aıtqanda, «Qazatomónerkásip» UAK AQ-nyń qazirgi basqarma tóraǵasy – Dırektorlar keńesiniń múshesi Erjan Muqanov 2023 jylǵy 2 qazannan qyzmetinen ketedi.

Onyń ornyna «Kazakh Invest» AQ-nyń basqarma tóraǵasy qyzmetin atqarǵan jáne 2015-2020 jyldar aralyǵynda «Qazatomónerkásiptiń» ekonomıka jáne qarjy jónindegi bas dırektory bolǵan Meıirjan Júsipov taǵaıyndaldy.

Budan bólek, kompanııanyń ekonomıka jáne qarjy jónindegi bas dırektory Sultan Temirbaevtyń 2023 jylǵy 28 qyrkúıekten bastap «Qazatomónerkásip» basqarmasynyń quramyna kirýi maquldandy.

Osylaısha, qazirgi ýaqytta «Qazatomónerkásip» UAK AQ-nyń basshylyq quramy kelesideı:

- Meıirjan Júsipov, basqarma tóraǵasy (2023 jylǵy 2 qazannan bastap);

- Qýanysh Omarbekov, óndiris jónindegi bas dırektor;

- Dastan Kósherbaev, kommertsııa jónindegi bas dırektor;

- Sultan Temirbaev, ekonomıka jáne qarjy jónindegi bas dırektor;

- Ermek Qýantyrov, quqyqtyq súıemeldeý jáne korporatıvtik basqarý jónindegi bas dırektor;

- Álibek Aldońǵarov, HR jáne óndiristik qaýipsizdik jónindegi bas dırektor;

- Muhıt Maǵajanov, satyp alý jáne jalpy máseleler jónindegi bas dırektor.