Meılına Tsýı Gonkongta kópshilikke Qazaqstan mádenıetin tanytýda
«Israeli Chamber Project» ızraıldik ujymynyń varıatsııaly ishekti aspaptar kvartetinde oryndaýy úshin qazaq halyq mýzykasy taqyrybyndaǵy klassıkalyq kompozıtsııa álemniń túrli elderinen usynylǵan jas avtorlardyń 130 shyǵarmasynyń ishinen tańdalyp alyndy ári Gonkong akademııasynyń oryndaýshylyq óner sahnasynda tanystyryldy.
Meılına Qazaqstanda týǵan, biraq Gonkongta ósip, bilim alǵan. Onyń shyǵarmashylyǵynda avtordyń Qazaqstannyń biregeı mýzykalyq murasymen qabysý muraty ańǵarylady. Meılına shyǵarmasynyń energetıkasy arqasynda tyńdarman kóshpendiler turmysy men mádenıetin, qazaq dalasynyń keńdigin ári dástúrli at jarystaryn kóz aldyna ákeletin mýzykalyq obrazdarǵa boılaıdy. Avtordyń dombyra men shańqobyz dybystaryn ımıtatsııalaý úshin klassıkalyq eýropalyq ishekti aspaptardy paıdalanýy ónersúıer qaýym men sharany uıymdastyrýshylardyń erekshe qyzyǵýshylyǵyn týdyrdy.
Qazaqstan azamaty Meılına Tsýı 1993 jyly Almatyda týǵan. Bala kezinde ata-anasynda Gonkongqa kóship, sol jaqta mektep bitirip ári joǵary bilim alǵan. Ol anasy Rashıda ıAnchınanyń jolymen júrip, ómirin mýzykaǵa arnaýǵa bel býady. Gonkongtaǵy Qytaı ýnıversıtetiniń mýzykalyq fakýltetin úzdik aıaqtap, London Koroldik kolledji magıstratýrasyn kompozıtsııa klasy boıynsha bitirgen.
Jas kompozıtor jaqyn arada AQSh-tyń bedeldi ýnıversıtetteriniń birine doktorantýraǵa túspek. Meılınanyń kóptegen shyǵarmashylyq josparlary bar. Onyń ishinde bizdiń elmen baılanysty, sondaı-aq qazaqstandyq ári gonkongtyq mýzykanttarmen birigip jumys isteýdi de kózdep otyr.
Esterińizge sala keteıik, 2018 jyly 21 naýryzda Gonkongtaǵy QR Bas konsýldyǵynyń yqpalymen Qazaqstan Mádenıet jáne sport mınıstrligi jáne Gonkongtyń ishki máseleleri jónindegi Bıýro arasynda mádenıet salasynda ekijaqty túsinistik jáne mádenıet salasynda yntymaqtastyq týraly memorandýmǵa qol qoıyldy.