«Meıirimdilik kerýeni» jalpyulttyq aktsııasy bastalady

ASTANA. QazAqparat Búgin elimizde QR Tuńǵysh Prezıdenti kúni aıasynda Qazaqstan halqy Assambleıasynyń bastamasymen «Meıirimdilik kerýeni» atty jalpyulttyq aktsııa bastalady. Bul týraly búgin QR Prezıdenti janyndaǵy OKK-de ótken brıfıngte Prezıdent ákimshiligindegi Qazaqstan halqy Assambleıasy hatshylyǵynyń sektor meńgerýshisi Názıpa Ydyrysqyzy málim etti.

Ol óz sózinde Qazaqstan halqy Assambleıasynyń 22-shi sessııasynda Elbasy N.Nazarbaev Assambleıa aldyna jalpy elimiz boıynsha ótip jatqan qaıyrymdylyq sharalaryn úılestirý máselesi boıynsha tapsyrma bergenin eske saldy. Bul baǵytta Assambleıa «20 izgi is», «Beıbitshilik pen kelisimniń jol kartasy», «Qamqor», «Asar» jobalaryn júzege asyryp jatqanyn atap ótti.

«Búgin táýelsiz Qazaqstannyń tarıhynda alǵash ret meıirimdilik, izgilik baǵytynda jumys isteıtin metsanattardyń qamqorlyǵymen izgi sharalar atqaryp jatqan qorlardyń basyn qosyp, ortaq suhbat alańyna shaqyryp otyrmyz. Búgingi sezd alǵash ret ótkizilýde», - dedi ol.

Onyń aıtýynsha, Assambleıa taıaýda ǵana Elbasy qol qoıǵan «Qamqorlyq týraly» Zańnyń qoǵamdyq turǵyda iske asyrylýyna óziniń basty maqsaty etip otyr.

«Meıirimdilik kerýeni» búgin Astanadan bastaý alyp, Qazaqstannyń búkil óńirlerin aralaıdy. Qorytyndysy kelesy jyldyń sońynda elordada shyǵarylady», - dedi N.Ydyrysqyzy.