Meıirim Nursultanovtyń qarsylasy belgili boldy

ASTANA. QazAqparat - Orta salmaqta óner kórsetetin qazaqstandyq boksshy Meıirim Nursultanovtyń Astanada ótetin boks keshindegi qarsylasynyń kim ekeni anyqtaldy, dep qabarlaıdy Qazaqparat tilshisi.

9 qyrkúıek kúni Astanada Nursultanov brazılııalyq boksshy Ismael Býenomen judyryqtasady. Býenomen qazirge deıin 21 kezdesý ótkizip, onyń 15-inde jeńiske jetse, 6 kezdesýde jeńilistiń kermek dámin tatqan boksshy.

Al otandasymyz Meıirim Nursultanov kásipqoı boks sharshy alańynda 3 kezdesý ótkizip, úsheýinde de qarsylastaryn nokaýtpen jeńdi. Ol kásipqoı boksqa ketpes buryn elordalyq «Astana arlandary» klýby sapynda óner kórsetip, 2014/15 maýsymda WSB jobasynyń chempıony atanǵan bolatyn.

Esterińizge sala keteıik, jekpe-jek 9-qyrkúıekte Astanada qazaqstandyq Qanat Islam men kanadalyq Brendon Kýkke qarsy bəsekesiniń  anderkartynada ótedi.  Bul kúni ondaı-aq osy sharada kórermender Janqosh Turarov, Jənibek Əlimhanuly, Alı Ahmedov, Rýslan Myrsataev, Aıdos Erbosynuly, Dımash Nııazov jəne Nursultan Janaıbaev syndy myqty boksshylar sharshy alańǵa shyǵatyn bolady.