Metroda er adam boıjetkenniń qulap qalǵan telefonyn kóteremin dep, eki saýsaǵynan aıyryldy

ASTANA. QazAqparat - Máskeý metrosynda bir jolaýshy keshe keshke «Pýshkınskaıa» stansasynda eskalatormen túsip kele jatqan ýaqytta telefony túsip ketken qyzǵa kómektesemin dep, oń qolynyń eki saýsaǵynan aıyryldy, dep habarlady TASS.

Máskeý metropolıtenindegi ІІB baspasóz qyzmetiniń basshysy Alekseı Myshlıaev habarlaǵandaı, onyń saýsaqtaryn eskalatordyń qozǵalyp turǵan taraqshasy julyp ketken.

30 shildede, beısenbi kúni Ýdmýrtııa respýblıkasynyń 24 jastaǵy týmasy ekskalatormen túsip kele jatyp, janynda turǵan boıjetkenniń uıaly telefony túsip qalǵanyn baıqap qalady da, ony kóterip almaqshy bolǵanda, eki saýsaǵynan aıyrylǵan. «Saýsaqtary qozǵalyp turǵan metall taraqshanyń arasyna qystyrylyp qalǵan. Onyń oń qolynyń ekinshi, úshinshi saýsaqtary kesilip ketti», - dedi baspasóz qyzmetiniń basshysy.

Máskeý metropolıteninde ІІB qyzmetkerleri jedel járdem shaqyrtqan, jarty saǵat ishinde ol aýrýhanaǵa jetkizildi.