Meta, Google jáne Apple kompanııalary Qazaqstan bıýdjetine qansha salyq tóledi

NUR-SULTAN. QazAqparat – Bıyl jyl basynan ınternet arqyly el aýmaǵynda qyzmet kórsetetin sheteldik kompanııalar bıýdjetke 6,1 mlrd teńge salyq tólegen, dep habarlaıdy QazAqparat Memlekettik kirister komıtetiniń saıtyna silteme jasap.

Quzyrly organ málimetinshe, tirkeý rásiminen 37 sheteldik kompanııa ótken. Olardyń ishinde «Apple», «Maps», «Google», «Ebay», «Amazon», «Facebook» jáne «Netflix» sııaqty alpaýyt korporatsııalar bar.

Qazaqstan bıýdjetine salyqtyń basym bóligi Irlandııanyń «Meta Platforms Ireland Limited» (1,6 mlrd teńge) jáne «Apple Distribution International Limited» (1,1 mlrd teńge), sondaı-aq AQSh-tyń «IHerb» kompanııalarynan (1,4 mlrd teńge) túsken. Sonymen qatar, «Google» 243 mln teńgeden astam qarjyny salyqqa baǵyttapty.

Al sıngapýrlyq «TikTok Pte.Ltd», Ulybrıtanııanyń «Audible Limited» jáne reseılik «Nexway» men «AliExpress Russia Holding» sııaqty kompanııalarynan bıýdjetke múlde salyq túspegen.

Foto: sun9-11.userapi.com