Meta aqyly jazylýshylarynan jarnamany alyp tastaıdy

<p>Meta kompanııasy qarasha aıynan bastap áleýmettik jelilerindegi jarnamany óshirý úshin jazylýdy usynady. Mundaı qyzmet EO Derekterdi qorǵaý týraly ortaq erejesine saı engizilip otyr. <a href="https://kaz.inform.kz/" target="_blank" rel="noopener">Kazinform</a> bul týraly <a href="https://ru.euronews.com/next/2023/10/30/meta-to-offer-subscription-for-no-ads-in-europe" target="_blank" rel="noopener">Euronews</a> agenttigine silteme jasap habarlaıdy.&nbsp;</p>

Facebook pen Instagram jelisine ıelik etetin Meta kompanııasy eýropalyq qoldanýshylaryna aqyly túrde jazylyp, jarnamany óshirý qyzmetin usynady.

Qyzmet qarashadan bastap Eýroodaq, Eýropa ekonomıkalyq aımaǵy jáne Shveıtsarııada turatyn áleýmettik jeli paıdalanýshylary úshin qoljetimdi bolmaq.

«Qarashadan bastap biz Facebook pen Instagram paıdalanatyn jáne osy aımaqtarda turatyn adamdarǵa ónimderimizdi ary qaraı da tegin, jarnamamen qoldanýdy nemese jarnamany kórmeý úshin jazylýdy usynamyz. Jeli qoldanýshylary jazylatyn bolsa – derekteri jarnama úshin paıdalanylmaıdy», - delingen kompanııa saıtyndaǵy habarlamada.

Jazylý baǵasy Facebook pen Instagram-nyń veb-nusqasy úshin – 9,99 eýro, al mobıldik qurylǵylar úshin – 12,99 eýro.

Kompanııa sheshimine eýropalyq zańnamaǵa engen ózgeris sebep boldy. Jańa ereje boıynsha EO turǵyndarynda áleýmettik jelilerdi jarnamasyz paıdalaný múmkindigi bolý qajet.