Meta 3 600 jumys ornyn qysqartady

<p>ASTANA. KAZINFORM &ndash; Facebook, Instagram jáne WhatsApp-qa ıelik etetin Meta kompanııadaǵy jumys kúshiniń shamamen 5%-yn qysqartýdy josparlap otyr, dep habarlaıdy Kazinform <a href="https://www.bbc.com/news/articles/c3e18lnl20po" target="_blank" rel="noopener">VVS</a>-ge silteme jasap.&nbsp;</p>

Qyzmettik hatta kompanııanyń basshysy Mark Tsýkerberg ónimdilik kórsetkishterine negizdelgen turaqty qysqartýdy jedeldetý týraly sheshim qabyldaǵanyn habarlady. 

Álem boıynsha 72 myńǵa jýyq adam jumys isteıtin kompanııa jumystan qysqartý qalaı ótetinin naqtylaǵan joq.

Tsýkerbergtiń jazbasyna sáıkes, bul týraly aldymen AQSh-taǵy qyzmetkrelerge 10 aqpan kúni habarlanady. Odan keıin basqa eldegi qyzmetkerlerge de habar jetpek. 

- Bıylǵy jyl aýyr bolmaq jáne men komandamyzda eń jaqsy adamdar bar ekenine kóz jetkizgim keledi. Osy oraıda ónimdilikti basqarý standarttaryn joǵarylatýdy jáne tıimsiz qyzmetkerlerden tezirek qutylýdy jón dep sheshtim, - dep jazdy ol. 

Mundaı qadam Amerıkada keńinen qoldanylady. Meta-da olar ádette jyl boıy bolyp turady. Biraq bıyl bul protsess tez júredi. Shamamen 3 600 adam jumystan ketýi múmkin.

Tsýkerbergtiń aıtýynsha, jumystan ketkender «ótemaqy» alady. 

Meta-da buǵan deıin úlken qysqartý 2023 jyly bolǵan. Sol kezde kompanııa shyǵyndardy azaıtý strategııasynyń bóligi retinde shamamen 10 myń jumys ornyn qysqartty. 2022 jyly 11 myńǵa jýyq adam jumystan shyǵaryldy. 

Eske sala ketsek, Meta korporatsııasy Facebook, Instagram jáne Threads jelilerindegi dezınformatsııany áshkereleý úshin qazaqstandyq Factcheck.kz saıtyn vırýsty dezınformatsııa men jalǵan aqparatty anyqtaıtyn baǵdarlamasyna qosty.