Messıdiń kýbokpen túsken fotosy jelide rekordtyq laık jınady

ASTANA. QazAqparat – Lıonel Messıdiń álem chempıonaty kýbogimen túsken fotosy Instagramda rekordtyq laık jınady, dep habarlaıdy QazAqparat tilshisi.

Qatarda ótken álem birinshiliginiń úzdik oıynshysy, 35 jastaǵy Messıdiń óziniń Instagram áleýmettik jelisindegi paraqshasynda jarııalaǵan sýreti 56 mln astam laık jınaǵan.

Budan burynǵy rekord 55,9 mln laıky bar jumyrtqa sýretine tıesili edi.

Argentına quramasynyń kapıtany ári shabýylshysy L.Messı óz quramasy sapynda álem chempıony atanǵan bolatyn. Qatardaǵy dodada Messı 7 gol soǵyp, 3 nátıjeli pas berdi.

Eske sala keteıik, budan buryn penaltı serııasynda Frantsııany jeńgen Argentınanyń úshinshi ret álem chempıony atanǵanyn jazǵan bolatynbyz.

Sondaı-aq Lıonel Messı Qatardaǵy álem chempıonatynyń úzdik oıynshysy boldy.

«PSJ» klýby Kılıan Mbappeni 300-350 mln eýroǵa satýǵa daıyn.

Áleýmettik jeliden alynǵan skrın