ASTANA. QazAqparat – Qatarda fýtboldan álem chempıonatynyń fınalynda Argentınany bastap shyqqan kapıtan ári shabýylshy Lıonel Messı rekord ornatty, dep habarlaıdy QazAqparat tilshisi.
Bul Lıonel Messıdiń álem chempıonattarynyń fınaldyq satysyndaǵy 26-shy matchy edi.
Buǵan deıin rekord germanııalyq belgili oıynshy Lotar Matteýske tıesili edi. 1990 jylǵy álem chempıonatynyń jeńimpazy dúnıejúzilik birinshilikte 25 oıyn ótkizgen bolatyn.
Osylaısha, 35 jastaǵy Messı taǵy bir rekord ornatty.
Eske sala keteıik, budan buryn Horvatııa quramasynyń Marokkodan basym túsip, qola júlde jeńip alǵanyn jazǵan bolatynbyz.
Sondaı-aq, Horvatııa quramasynyń qaqpashysy soqqyny qaıtarý jóninen úzdik atandy.
Foto: DAN MULLAN/GETTY IMAGES
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).