Messı 2022 jyldyń qorytyndysy boıynsha chempıondardyń chempıony atandy

ASTANA. QazAqparat – «PSJ» men Argentına quramasynyń shabýylshysy Lıonel Messı L'Équipe basylymy ótkizgen saýalnamaǵa sáıkes 2022 jyldyń qorytyndysy boıynsha chempıondardyń chempıony atandy, dep habarlaıdy QazAqparat tilshisi.

Shampionat.com saıtynan alynǵan derekke qaraǵanda, L'Équipe redaktsııasy jýrnalısteriniń aıtýynsha, atalmysh syılyq jyldyń eń úzdik sportshysyna beriledi.

Reıtıng 4 jeltoqsan kúni aıaqtalǵan daýys berýdiń nátıjesi boıynsha jasalǵan.

Daýys berý qorytyndysy boıynsha Lıonel Messı oq boıy ozyq shyǵyp, 808 upaı jınady. «PSJ» men Frantsııa shabýylshysy Kılıan Mbappe (381 upaı) ekinshi orynda. Úzdik úshtikti ıspanııalyq tennısshi Rafael Nadal (285) túıindedi.

Belgııalyq velosportshy Remko Evenepýl tórtinshi, nıderlandylyq avtojoryqshy Maks Ferstappen besinshi satydan kórindi.

Eske sala keteıik, budan buryn Messıdiń 2022 jyldyń qorytyndysy boıynsha álemdegi úzdik fýtbolshy atanǵanyn jazǵan bolatynbyz.

Foto: GETTY IMAGES