Merziminen buryn shyqqysy kelgen pedofıl Konstıtýtsııalyq sotqa júgindi

<p>ASTANA. KAZINFORM &mdash; Konstıtýtsııalyq sot kámeletke tolmaǵandarǵa qarsy jynystyq qylmys úshin shartty túrde merziminen buryn bosatýdy qoldanbaý normacyn Konstıtýtsııaǵa sáıkes dep tanydy.&nbsp;&nbsp;</p>

Konstıtýtsııalyq sotqa jazasyn ótep jatqan azamat júgingen. 

Ol kámeletke tolmaǵandardyń jynystyq tıispeýshiligine qarsy qylmys jasaǵany úshin sottalǵandardy shartty túrde merziminen buryn bosatýǵa tyıym salýǵa baılanysty Qylmystyq kodekstiń 72-baby segizinshi bóliginiń 4-tarmaǵynyń Konstıtýtsııaǵa sáıkestigin tekserýdi ótingen.

Osyǵan baılanysty atalǵan organ ótinishti qarap, qorytyndy sheshim shyǵardy.

Shaǵymdanǵan adam 2014 jylǵy 3 shildede Qylmystyq kodekstiń 124-babynyń úshinshi bóligimen kózdelgen qylmys jasaǵany úshin kináli dep tanylǵan (kórineý jas balaǵa qatysty azǵyndyq áreketter jasaý). 

Onyń shartty túrde merziminen buryn bosatý týraly ótinishin sot joǵaryda atalǵan shekteýlerge silteme jasaı otyryp qabyldamaǵan.

Onyń pikirinshe, qoldanystaǵy shekteý Konstıtýtsııanyń 14-babyna qaıshy keledi (kemsitýshilikke jol bermeý), óıtkeni ol Qylmystyq kodekstiń 72-babyna ózgerister qoldanysqa engizilgenge deıin jasalǵan osyndaı is-áreketi úshin jazasyn ótep jatqan basqa sottalǵandarmen teń emes. 

1997 jylǵy Qylmystyq kodeks (kúshi joıylǵan redaktsııada) negizinde sottalǵandarǵa qatysty shartty túrde merziminen buryn bosatý quqyǵy saqtalǵan.

Konstıtýtsııalyq sot shaǵymdanýshy kórsetken sottalǵandardyń osy sanatynyń shartty túrde merziminen buryn bosatý quqyǵyn saqtaýy zańnyń keri kúshiniń konstıtýtsııalyq erejesi Konstıtýtsııanyń 77-baby 3-tarmaǵynyń 5-tarmaqshasy jáne kodekstiń 6-babynyń úshinshi bóligi  negizinde qalǵanyn atap ótti.

Jaýapkershilikti kúsheıtetin, azamattarǵa jańa mindetter júkteıtin nemese olardyń jaǵdaıyn nasharlatatyn zańdardyń keri kúshi bolmaıdy.

Konstıtýtsııalyq sot ótinish ıesiniń 2016 jylǵy qazan aıynda, ıaǵnı kámeletke tolmaǵandardyń jynystyq tıispeýshiligine qarsy qylmys úshin sottalǵandarǵa shartty túrde merziminen buryn bosatýdy qoldanýǵa shekteý engizilgennen keıin sottalǵanyna nazar aýdardy.

Tekserý qorytyndysy boıynsha Konstıtýtsııalyq sot kodekstiń 72-baby 8-bóliginiń 4) tarmaǵy qoldanysqa engizilgennen keıin sottalǵandarǵa qatysty kemsitýshilik joq ekenin atap ótti.

Normatıvtik qaýlynyń tolyq mátinimen myna siltemede tanysýǵa bolady.