Merzimdi qyzmettegi sarbazdar bilim alý jeńildigine ıe bolý úshin irikteýden ótedi

<p>ASTANA. KAZINFORM - Qorǵanys, Іshki ister, Tótenshe jaǵdaılar mınıstrlikteri, Memlekettik kúzet qyzmeti jáne Ulttyq qaýipsizdik komıteti &laquo;Merzimdi qyzmettegi áskerı qyzmetshilerdi oqýda jeńildik alý úshin konkýrstyq irikteý qaǵıdalaryn bekitý týraly&raquo; birlesken buıryǵyn daıyndady. Bul týraly Qorǵanys mınıstrliginiń baspasóz qyzmeti málimdedi.&nbsp;</p>

«Normatıvtik quqyqtyq akt „Áskerı qyzmet jáne áskerı qyzmetshilerdiń mártebesi týraly“ QR Zańynyń 50-1-babynyń 1) jáne 2) tarmaqshalaryna jáne „Qazaqstan Respýblıkasynyń ǵylym jáne bilim máseleleri boıynsha keıbir zańnamalyq aktilerine ózgerister men tolyqtyrýlar engizý týraly“ Qazaqstan Respýblıkasynyń 2024 jylǵy 6 mamyrdaǵy Zańyn iske asyrý jónindegi sharalar týraly» Premer-Mınıstrdiń 2024 jylǵy 13 mamyrdaǵy ókiminiń 30-tarmaǵyna sáıkes ázirlendi», - delingen habarlamada.

Qujat merzimdi qyzmettegi áskerı qyzmetshilerdi joǵary áskerı, arnaýly oqý oryndarynda, sondaı-aq joǵary jáne joǵary oqý ornynan keıingi bilim berý uıymdarynda oqý jeńildikterin alý úshin konkýrstyq irikteýdiń biryńǵaı qaǵıdalaryn aıqyndaý maqsatynda ázirlenip otyr.

Birlesken buıryq jobasynyń tolyq mátinimen «Elektrondyq úkimet» portalynyń «Ashyq NQA» bóliminde osy jyldyń 28 maýsymyna deıin  siltemesi boıynsha tanysýǵa bolady.