Merzimdi qyzmet ótkergen 1500 sarbaz JOO-da tegin oqý múmkindigin aldy
Іrikteý yńǵaıly ári ashyq ótýi úshin «Srochnıkı 2.0» tsıfrlyq platformasy engizildi. Platformada QR Qarýly kúshteri, Tótenshe jaǵdaılar mınıstrligi, Memlekettik kúzet qyzmetiniń 110-nan astam jaýyngerlik bólimi tirkelgen.
«Bul júıede barlyq merzimdi qyzmet jaýyngerleriniń qyzmet etý kezeńin baǵalaý kórsetilgen. Ony qandaı da bir jolmen aýystyrý múmkin emes. Aı saıyn barlyq pánder boıynsha áskerı qyzmetshilerdiń aǵymdyq baǵalarynyń reıtıngi shyǵarylyp otyrady. Áskerlerdegi jaýyngerlik daıyndyq jýrnaldarynda jáne osy elektrondyq platformada esep júrgiziledi. Elektrondyq júıede ár sarbazǵa jeke reıtıng jasalady», - dep túsindirdi QR Qorǵanys mınıstriniń keńesshisi Aıgúl Tólembaeva Ortalyq kommýnıkatsııalar qyzmetinde.
Onyń aıtýynsha, kandıdattardy irikteý kelesi krıterııler boıynsha júrgiziledi: jaýyngerlik daıyndyq; jeke tártip; arnaýly mindettemelerdi oryndaýdyń tolyqtyǵy; psıhologııalyq jaǵdaıdy baǵalaý.
Ár sarbaz úsh ýnıversıtetti tańdaı alady. «Srochnıkı 2.0» elektrondy júıesinde sarbazdardy JOO-lar boıynsha bólý avtomatty túrde júrgiziledi.
«Qorǵanys mınıstrliginde joǵary oqý oryndaryna sarbaz bólýdi baqylaý úshin komıssııa qurylǵanyna erekshe nazar aýdarǵym keledi. Komıssııa quramyna Qarýly kúshterdiń basshylyq quramy, Ulttyq ulan, Tótenshe jaǵdaılar mınıstrligi sekildi kúshtik qurylymdardyń ókilderi, azamattyq joǵary oqý oryndarynyń jáne sarbaz analary komıtetiniń ókilderi kirdi», - dedi spıker.
Qazir konkýrstyq irikteýge 2022 jylǵy kóktemde shaqyrylǵan 12 548 merzimdi qyzmet sarbazy qatysýda. Onyń ishinde Qorǵanys mınıstrligi, Memlekettik kúzet qyzmeti, Tótenshe jaǵdaı mınıstrliginen – 6539 sarbaz, Ulttyq ulannan – 6007 sarbaz bar.
2022 jylǵy kúzde shaqyrylǵandar úshin kvotanyń ekinshi bóligi osy jyldyń kúzinde ótedi.
Sarbazdar joǵary oqý oryndaryna túsý sertıfıkattaryn «Srochnıkı 2.0» platformasynan JSN arqyly teksere alady. Sondaı-aq, tizimder áleýmettik jelilerde jarııalanyp, joǵary oqý oryndaryna jiberiledi.
«Qazir JOO bilimin alýǵa 1500 oryn bólinedi. Ekranan sarbazdardyń onlaın rejımde qalaı bólinetinin kóremiz. Munda UBT-ǵa uqsas, QR kody bar sertıfıkattar bar. Olardy qoldan jasaı almaıdy. Máselen Nomırovskıı Rodıon Alekseevıch oqýǵa 100 paıyzdyq jeńildik usynysyn aldy. Quttyqtaımyz! 1500 sarbazdyń 350-i áskerı oqý oryndaryn tańdaǵan», - dedi A. Tólembaeva.
Sonymen birge, Qorǵanys mınıstrliginde jedel jeli quryldy, barlyq tolǵandyrǵan máseleler boıynsha +77051200417, +77087641616, +77172565360 nómirlerine habarlasýǵa bolady.