Merzimdi áskerı qyzmettegi sarbazdardyń nesıe máselesi qalaı sheshiledi

ASTANA. QazAqparat – QR Qarýly kúshteri bas shtaby uıymdastyrý-jumyldyrý jumystar departamentiniń baǵyt aǵa ofıtseri Rýslan Tapashev merzimdi áskerı qyzmettegi sarbazdardyń kredıtine qatysty kanıkýly týraly aıtyp berdi, dep habarlaıdy QazAqparat tilshisi.

Búgin Ortalyq kommýnıkatsııalar qyzmetindegi baspasóz máslıhatynda tilshiler merzimdi áskerı qyzmettegilerge kredıt boıynsha kanıkýl berý múmkindigi týraly surady.

«Qarýly kúshter qataryna shaqyrylǵan 7 myń adamda nesıesi boıynsha tólem jasaý merzimi ótip ketken. Olardyń osy máselesi qalaı sheshilmek?» dep suraq qoıdy tilshi.

«Jastar áskerge shaqyrtylǵan kezde áskerı komıssarıat arqyly olarǵa tıisti anyqtama usynylady. Eger olar shaqyrtý kezinde tıisti anyqtamany almasa, onda áskerı bólimdegi komandıri tıisti qujatty beredi. Bul anyqtamany nesıesi bar sarbazdar bankter men qarjy uıymdaryna tapsyrady», - dedi R. Tapashev.

Onyń aıtýynsha, ásker qataryndaǵy sarbazdar taýystarynyń atyna senimhat bere alady. Osy oraıda sarbazdyń jaqyndary bankke tıisti ótinimdi tapsyrady.

Aıta keteıik, QR Qarýly Kúshteriniń quralymdarynyń qatarynda merzimdi áskerı qyzmettin ótkergen azamattar úshin JOO-ǵa túsýdiń jeńildikteri qarastyrylǵan.