Merki taýlaryndaǵy 350 gektar aýmaqty sharpyǵan órt sóndirildi
11:09, 07 Tamyz 2023
TARAZ. QazAqparat - Jambyl oblysynyń Merki taýlaryndaǵy 350 gektar aýmaqty sharpyǵan órt sóndirildi, dep habarlaıdy QazAqparat.
«7 tamyzda saǵat 7: 00-de Jambyl oblysynyń Merki taýlarynda 350 ga alańda qýraǵan shóp órti sóndirildi. Órtti sóndirý barysynda jalpy áýeden 40,5 tonna sý tógildi. Órtti sóndirý jerdiń kúrdeli relefimen, tyǵyz ósken qýraǵan shóp pen órt oshaǵyna jetýdiń kúrdeliligimen, sý kózderiniń qashyqtyǵymen jáne qubylmaly jel ekpininen qıyndaı tústi», - dep jazdy TJM-nan.
Jambyl oblysy TJD azamattardy órt qaýipsizdigi erejelerin saqtaýǵa shaqyrady.