Merı Elıs Heıýordpen kezdesýinde Elbasy MAGATE-men yntymaqtastyq deńgeıiniń joǵary ekenin atap ótti

NUR-SULTAN. QazAqparat – Qazaqstannyń Tuńǵysh Prezıdenti Nursultan Nazarbaev MAGATE Bas dırektorynyń orynbasary Merı Elıs Heıýordpen kezdesti, dep habarlaıdy QazAqparat elbasy.kz saıtyna silteme jasap.

Elbasy kezdesý barysynda Qazaqstannyń MAGATE-men yntymaqtastyq deńgeıiniń joǵary jáne ózara is-qımylynyń tıimdi ekenin atap ótti.

- Búgingi saltanatqa qatysqanyńyz úshin alǵys bildiremiz. Qaıtys bolǵan Amano men Lassına Zerbo myrza berilgen marapatqa laıyq dep sanaımyn. Qazaqstan MAGATE-men belsendi jumys isteıdi. Biz ıadrolyq synaq polıgonyna irgeles jatqan aýmaqtardy qalpyna keltirý boıynsha birlesip qyzmet etemiz jáne tómen baıytylǵan ýran bankiniń jumysyna qatysamyz. Bizdiń «Qazatomprom» kompanııasy atalǵan Banktiń jetkizýshileriniń biri», - dedi Qazaqstannyń Tuńǵysh Prezıdenti.

Óz kezeginde Merı Elıs Heıýord Elbasyna MAGATE-ni belsendi qoldaǵany jáne birlesken jobalardy júzege asyrýda jemisti yntymaqtastyǵy úshin alǵysyn jetkizdi.