Mergender Azııa chempıonatynyń sońǵy kúni 3 kúmiske qol jetkizdi

<p>ASTANA. KAZINFORM &ndash; Ulttyq qurama mergenderi Indonezııa astanasyndaǵy Azııa chempıonatynyń sheshýshi kúni taǵy 3 kúmis júldege qol jetkizdi.</p>

Sportty damytý dırektsııasynan málim etkendeı, aralas qarqynda qozǵalatyn jyljymaly nysana kózdeýde (10 metr) Fatıma Irnazarova kúmis júldeger atandy.

Ol jarysta 361 upaı jınap, tek Qatar sportshysyna ese jiberdi.

Al erler arasynda Asadbek Nazırkýlev tuǵyr bıiginiń 2-satysyna kóterildi. Ol 377 upaı jınap, óziniń jeke rekordyn tirkedi.

Komandalyq synda Andreı Hýdıakov, Ilıa Zoteev pen Asadbek Nazırkýlev úshtigi kúmis medal jeńip aldy.

Bas júlde — Indonezııa quramasynda.

Osymen nysana kózdeýden sary qurlyq chempıonaty məresine jetti.

Munda Aleksandra Le (vıntovka) men Nıkıta Chırıýkın (tapansha) Qazaqstan quramasyna Parıj Olımpıadasynyń lıtsenzııasyn alyp berdi.

Qazir mergender enshisinde 5 joldama bar.

Ulttyq qurama jeńip alǵan júlde sany: 4 altyn, 5 kúmis, 5 qola.