«Mereıli otbasy» ulttyq konkýrsyn ótkizý qaǵıdalaryn bekitý týraly» QR Úkimetiniń qaýlysyna ózgerister engizildi

ASTANA. QazAqparat - QR Premer-Mınıstri Kárim Másimov «Mereıli otbasy» ulttyq konkýrsyn ótkizý qaǵıdalaryn bekitý týraly» QR Úkimetiniń qaýlysyna ózgerister men tolyqtyrý engizdi.

QazAqparat qaýlynyń mátinin jarııalaıdy.

Qazaqstan Respýblıkasy Úkimetiniń qaýlysy №640

2015 jylǵy 12 tamyz, Astana, Úkimet Úıi

«Mereıli otbasy» ulttyq konkýrsyn ótkizý qaǵıdalaryn bekitý týraly» Qazaqstan Respýblıkasy Úkimetiniń 2014 jylǵy 5 naýryzdaǵy №181 qaýlysyna ózgerister men tolyqtyrý engizý týraly

Qazaqstan Respýblıkasynyń Úkimeti qaýly etedi:

1. «Mereıli otbasy» ulttyq konkýrsyn ótkizý qaǵıdalaryn bekitý týraly» Qazaqstan Respýblıkasy Úkimetiniń 2014 jylǵy 5 naýryzdaǵy № 181 qaýlysyna (Qazaqstan Respýblıkasynyń PÚAJ-y, 2014 j., № 15, 126-qujat) mynadaı ózgerister men tolyqtyrý engizilsin: kórsetilgen qaýlymen bekitilgen «Mereıli otbasy» ulttyq konkýrsyn ótkizý qaǵıdalarynda: 6-tarmaqta: birinshi bólik mynadaı redak­tsııada jazylsyn: «6. Qazaqstan Respýblıkasy Prezıdentiniń janyndaǵy Áıel­der isteri jáne otbasylyq-demo­grafııalyq saıasat jónindegi ulttyq komıssııanyń, sondaı-aq Astana, Almaty qalalary jáne oblystar ákimderiniń janyndaǵy áıelder isteri jáne otbasylyq-demografııalyq ­saıasat jónindegi komıssııalardyń qoldaýymen Qazaqstan Respýblıkasy Mádenıet jáne sport mınıstrligi, Qazaqstan Respýblıkasy Den­­­saýlyq saqtaý jáne áleýmettik damý mınıstrligi konkýrstyń uıymdastyrýshylary bolyp tabylady.»; mynadaı mazmundaǵy ekinshi bólikpen tolyqtyrylsyn: «Konkýrs Qazaqstan Res­pýb­lıkasy Investıtsııalar jáne damý mınıstrligi men jergilikti atqarýshy organdardyń járdemdesýimen ótkiziledi.»; 14,15-tarmaqtar mynadaı redaktsııada jazylsyn: «14. Aýdandyq (qalalyq) komıssııa konkýrsqa qatysý úshin ótinimderdi qabyldaý aıaqtalǵan kezden bastap bir aıdan aspaıtyn merzimde aýdandyq konkýrstyń jeńimpazdaryn aıqyndaý jóninde alynǵan aqparatty jan-jaqty tekserýdi júzege asyrady, sodan keıin eki jumys kúni ishinde aýdandar (qalalar) ákimderimen kelisilgen tórt qatysýshynyń (otbasynyń) konkýrstyq materıaldaryn óńirlik komıssııalarǵa jiberedi. 15. Óńirlik komıssııalar aýdan­dyq (qalalyq) komıssııalardan materıaldardy alǵan kezden bastap bir aıdan aspaıtyn merzimde eki úzdik otbasyn irikteýdi júrgizedi, qajet bolǵan jaǵdaıda usynylǵan materıaldarǵa qosymsha tekserýdi júzege asyrady jáne oblystyq konkýrstyń jeńimpazdary aıqyn­dalǵannan keıin eki jumys kúni ishinde Astana, Almaty qalalary­nyń jáne oblystardyń ákimderi­men kelisilgen óz sheshimderin osy Qaǵıdalardyń 10-tarmaǵynda kózdelgen qujattar toptamasymen birge, «Mereıli otbasy» ulttyq kon­kýrsynyń laýreaty ataǵyn berý jónindegi komıssııaǵa (budan ári - komıssııa) jiberedi.»; 16-tarmaqtyń 6) tarmaqshasy alyp tastalsyn; 17,18-tarmaqtar mynadaı redaktsııada jazylsyn: «17. Komıssııa óńirlik komıs­sııalardyń usynystaryn alqaly túrde qaraǵannan keıin 10 kún ishinde baǵdarlamalar tsıklyn ázirleý úshin memlekettik telearnaǵa irikteý týraly, sondaı-aq laýreat ataǵyn taǵaıyndaý jónindegi úmitker otbasylar týraly materıaldardy joldaıdy. 18. Jeńimpazdardy irikteýge sms-habarlamalar jáne ınternet-resýrs arqyly ınteraktıvti daýys berý jolymen eldiń barlyq turǵyndary belsendi túrde qatysady. Interaktıvti daýys berý mer­zimderin konkýrs uıymdas­­tyrý­shylary aıqyndaıdy.».

2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.

QR Premer-Mınıstri K.MÁSІMOV.