Mereıli otbasy: Túrkistanda ulttyq baıqaýdyń oblystyq kezeńi máresine jetti

TÚRKІSTAN. QazAqparat - Túrkistanda «Mereıli otbasy – 2021» ulttyq baıqaýynyń oblystyq kezeńi qorytyndylandy. Kópshilik arasynda top jarǵan jeńimpazdardy marapattaý rásimi bolyp ótti, dep habarlaıdy QazAqparat tilshisi.

Qoǵamdaǵy otbasy mártebesin kóterýge baǵyttalǵan baıqaý qorytyndysyna arnalǵan saltanatty sharada oblys ákiminiń orynbasary Sáken Qalqamanov shańyraq shattyǵy men ulttyq tárbıeni ulyqtaıtyn bul baıqaýdyń mańyzy erekshe ekenine toqtalyp ótti.

Baıqaýǵa qatysqan barlyq otbasy múshelerine alǵysyn jetkizdi.

«Árbir januıa mereıli, mártebesi bıik bolsa, qazaq eliniń de abyroıy asqaq bolary anyq. Máńgilik el bolýdy maqsat tutqan Qazaq eliniń árbir otbasynyń mereıi ústem bolǵaı. Marapat ıelerin shyn júrekten quttyqtaımyn»,- dedi Sáken Qalqamanov.

Baıqaý úzdikterin anyqtaý úshin arnaıy qurylǵan komıssııa sheshimimen «Mereıli otbasy – 2021» ulttyq konkýrsynyń 1 ornyn Qazyǵurt aýdany Sharbulaq aýylynyń turǵyndary Jamalovtar otbasy jeńip aldy.

Al, ekinshi oryn Túrkistan qalasynyń turǵyndary Ýserbaevtar otbasyna buıyrdy.

Baıqaý jeńimpazdaryna arnaıy dıplomdar men qarjylaı syılyqtar tabys etildi.

Esterińizge sala keteıik, bıyl ulttyq baıqaýǵa qatysý úshin oblys boıynsha 184 otbasy ótinish bildirip, oblystaǵy barlyq aýdan-qalalarda uıymdastyrylǵan baıqaýdyń alǵashqy kezeńinde 30 otbasy jeńimpaz atanǵan bolatyn.