«Mereıli otbasy» konkýrsy jańa formatta ótkizilmek

NUR-SULTAN. QazAqparat – «Mereıli otbasy» konkýrsyn jańa aqparattyq formatta ótkizilmek. Bul týraly QR Aqparat jáne qoǵamdyq damý mınıstri Asqar Ýmarov vedomstvonyń keńeıtilgen alqa májilisinde aıtty, dep habarlaıdy QazAqparat.

«Bıyl «Mereıli otbasy» konkýrsyn jańa aqparattyq formatta ótkizýdi josparlap otyrmyz. Onyń ishinde, otbasylyq qundylyqtardy dáripteýde aımaqtarda úkimettik emes uıymdar, jastar resýrstyq ortalyqtary keńinen tartylady dep josparlanýda», - dedi mınıstr.

Sonymen qatar jıynda Asqar Ýmarov óz sózinde qoǵamdyq sanany jańǵyr baǵyttaryndaǵy jumystar týraly aıtty.

«Byltyrdan bastap baǵdarlama óskeleń urpaqty, ásirese oqýshylardy jáne mektep jasyna deıingi balalardy tárbıeleýge basymdyq berdik. «Ulttyq tárbıe», Tiji jáne Nickelodeon arnalarynyń balalar kontentin qazaq tiline aýdarý sekildi aýqymdy jobalardy júzege asyryp jatyrmyz. Aıtpaqshy, Tiji jáne Nickelodeon qazaq tilinde jaqynda shyǵady, tusaýkeseri ótedi», - dedi vedomstvo basshysy.