Mereıli otbasy: Atyraýda erli-zaıypty temirjolshynyń áýleti jeńimpaz atandy
Qurmetti temirjolshy Qurmanbek Kenjeshovtiń otbasy Isataı aýdanynda turady. Ol osy salada 44 jyl eńbek etip, zeınetkerlikke shyqqan. Onyń ómirlik jary Gúlden
Muhamedjanova da temirjolda jumys istegen.
«Eńbek jolymdy 1969 jyly Qurmanǵazy aýdanynda shóp shabatyn mehanızatorǵa tirkeýshi bolyp bastadym. Áskerden oralǵan soń, 1971 jyly temirjol salasyna aýystym.
Áýeli Ganıýshkındegi №57 dıstantsııasynda jol jóndeýshi boldym. Eki jyldan keıin dıstantsııa basshylary Jambyl qalasyna 11 aılyq kýrsqa jiberdi», - deıdi Qurmanbek
Kenjeshov.
Jary Gúldenniń aıtýynsha, otaǵasy ekeýi 4 ul, 3 qyz tárbıelegen. Oǵan qosa qaıyn ápkesiniń 4, qaıyn aǵasynyń 5 balasyna da qoldaý kórsetken.
«Qaıyn atam soǵysqan qatysqan. Tuńǵysh neremesi ómirge kelgende, qýanyshynda shek bolmady. Al enemiz meni qyzyndaı baýyryna tartty. Bilmegenimdi úıretti, aqyl-keńesin berdi. Ekeýi de «tatý-tátti, qaıyrymdy, qarapaıym bolyńdar, birlikke uıyńdar» dep otyratyn. Osynyń bári qaıtalanbaıtyn ónegege toly tárbıe ǵoı. Qazir men de
kelinderimdi qyzymdaı kóremin. Bir úıde eki bala-kelinmen birge turamyz» -deıdi Gúlden Muhamedjanova.
Erli-zaıypty temirjolshylardyń balalary ár salada jumys isteıdi. Aıbek pen Tólebı munaı salasyn tańdaǵan. Meıramgúl men Anargúl – muǵalim, Baqyt – memlekettik
qyzmetshi. Medıtsınalyq kolledjge oqýǵa túsken Mahambet qazir ásker qataryna attanǵan. Áke-sheshesiniń eńbek jolyn uly Asylbek jalǵaǵan.
«Temirjolda 2006 jyldan beri vagon qurastyrýshy bolyp jumys isteımin. Bul salany tańdaýyma áke-sheshemniń eńbekqorlyǵy áser etti. Qurmetti temirjolshy atanǵan ákem
men oǵan qoldaý bildirgen sheshemdi úlgi tutamyn. Olardyń abyroıly isin jalǵastyrý –paryzym», - deıdi uly Asylbek.
Eske sala ketelik, budan buryn Atyraýda «Mereıli otbasy» baıqaýynyń jeńimpazy
anyqtalǵanyn jazǵan edik.